Верските заедници-Сараево, БиХ-04.11.2010.

Регионалните консултации со претставниците од верски заедници и цркви ги организираа здружението БХ новинари и Центарот за информативно – правна помош и членови на Коалицијата за РЕКОМ од БиХ. Во работата учествуваа вкупно 51 лице; црковни великодостојници, претставници од верските заедници, невладини организации и академски институции. Меѓу нив и набљудувачи од амбасадите на Македонија и Хрватска, како и од меѓународните организации: UNDP, Мисија OSCE во БиХ, Делегација од Европската комисија во БиХ.

Поради организациски пропуст, на консултациите не присуствуваа учесници од Косово, како и претставници од СПЦ од Србија и Косово и Католичката црква од Хрватска. Организаторот беше присилен претставникот од ЦПЦ, митрополитот Михаил, односно Мираша Дедејиќ, да го замоли да се откажи од учеството поради условувањето на претставниците од СПЦ и Католичката црква.

Во расправата доминираше поддршката за основање на РЕКОМ, а се одвиваше во изразито толерантен дух и конструктивната атмосфера која укажуваше на вистинската потреба за соработка на црквите и верските заедници во овој процес.

Медиумите покажаа голем интерес за консултациите, кои ги следеа повеќе од 20 новинари од целиот регион. РТС и дневникот Блиц пратија екипи од Белград, а од Хрватска присуствуваше екипа од порталот Križ života.

Преглед на предлозите, мислењата и препораките