{"id":58436,"date":"2012-04-17T00:00:00","date_gmt":"2012-04-17T00:00:00","guid":{"rendered":"http:\/\/www.recom.link\/hedhin-poshte-idene-e-kryeministrit\/"},"modified":"2014-06-24T13:55:40","modified_gmt":"2014-06-24T13:55:40","slug":"hedhin-poshte-idene-e-kryeministrit","status":"publish","type":"post","link":"https:\/\/www.recom.link\/sq\/hedhin-poshte-idene-e-kryeministrit\/","title":{"rendered":"Hedhin posht\u00eb iden\u00eb e kryeministrit"},"content":{"rendered":"

Iden\u00eb e kryeministrit t\u00eb Kosov\u00ebs, Hashim Tha\u00e7i, p\u00ebr krijimin e nj\u00eb komisioni p\u00ebr pajtim rajonal, p\u00ebr t\u00eb v\u00ebrtet\u00ebn dhe p\u00ebr pajtim p\u00ebr Kosov\u00ebn, q\u00eb do t\u00eb sh\u00ebronte plag\u00ebt e konflikteve n\u00eb rajon, opozita e quan nj\u00eb hap t\u00eb ngutsh\u00ebm, t\u00eb pamatur dhe n\u00eb nj\u00eb koh\u00eb jo t\u00eb duhur. P\u00ebr opozit\u00ebn, kjo po ashtu \u00ebsht\u00eb nj\u00eb fasad\u00eb q\u00eb i jepet politik\u00ebs s\u00eb d\u00ebshtuar t\u00eb udh\u00ebhequr nga kjo Qeveri dhe nga kryeministri dhe \u00ebsht\u00eb mashtrim optik n\u00eb syt\u00eb e opinionit vendor dhe nd\u00ebrkomb\u00ebtar.<\/strong><\/p>\n

\u00a0Aleanca p\u00ebr Ardhm\u00ebrin\u00eb e Kosov\u00ebs, vler\u00ebson se nuk ka qen\u00eb momenti dhe m\u00ebnyra e duhur, p\u00ebr nj\u00eb iniciativ\u00eb t\u00eb till\u00eb nga kryeministri i Kosov\u00ebs Hashim Tha\u00e7i.<\/p>\n

Ernest Luma, z\u00ebdh\u00ebn\u00ebs i AAK-s\u00eb, iden\u00eb e kryeministrit e quan iniciativ\u00eb t\u00eb ngutur dhe t\u00eb pamatur. Sipas tij para s\u00eb t\u00eb flitet p\u00ebr pajtim mes Kosov\u00ebs dhe Serbis\u00eb, Serbia e cila ka kryer krime t\u00eb r\u00ebnda dhe gjenocid n\u00eb Kosov\u00eb, duhet t\u00eb k\u00ebrkoi falje, gj\u00eb t\u00eb cil\u00ebn se ka b\u00ebr\u00eb deri m\u00eb tani, transmeton Kosovapress.<\/p>\n

\u201c\u00cbsht\u00eb nj\u00eb iniciativ\u00eb e ngutshme e kryeministrit t\u00eb Kosov\u00ebs. \u00c7do iniciativ\u00eb e till\u00eb \u00ebsht\u00eb e mir\u00eb, mir\u00ebpo n\u00eb rrethana t\u00eb caktuara dhe nga pala e duhur. N\u00eb k\u00ebt\u00eb rast ftesa p\u00ebr pajtim, do t\u00eb duhej t\u00eb vij\u00eb pas nj\u00eb k\u00ebrkim falje drejtp\u00ebrdrejt\u00eb nga Serbia dhe nga p\u00ebrfaq\u00ebsuesit e saj m\u00eb t\u00eb lart\u00eb shtet\u00ebror. \u00cbsht\u00eb hap i ngutsh\u00ebm i kryeministrit Tha\u00e7i. \u00cbsht\u00eb hap i pamatur dhe ndoshta i pa duhur, dhe n\u00eb nj\u00eb moment jo t\u00eb duhur. \u00c7do pajtim \u00ebsht\u00eb i mir\u00eb n\u00eb rajon midis popujve dhe midis fqinj\u00ebve pas luft\u00ebrave dhe zhvillimeve jo t\u00eb mira mes tyre. Mir\u00ebpo gjith\u00eb duhet ta dim\u00eb se n\u00eb Kosov\u00eb, ka ndodhur nj\u00eb luft\u00eb jasht\u00ebzakonisht e r\u00ebnd\u00eb, nj\u00eb krim dhe gjenocid q\u00eb ka ushtruar Serbia, regjimi i Serbis\u00eb, shteti i Serbis\u00eb ndaj popullit t\u00eb Kosov\u00ebs. N\u00eb k\u00ebt\u00eb rast p\u00ebrfaq\u00ebsues t\u00eb atij regjimi, pra p\u00ebrfaq\u00ebsues t\u00eb Beogradit zyrtar, do t\u00eb duhej t\u00eb k\u00ebrkonin paraprakisht falje dhe t\u00eb fillonin nismat e tilla\u201d, tha Luma.<\/p>\n

Nd\u00ebrsa Glauk Konjufca nga L\u00ebvizja Vet\u00ebvendosje, tha se bazamenti i \u00e7far\u00ebdo pajtimi \u00ebsht\u00eb drejt\u00ebsia. Pa drejt\u00ebsi, sipas tij askund n\u00eb bot\u00eb dhe n\u00eb asnj\u00eb konflikt nuk ka pasur pajtim. Ai tha se Kosova p\u00ebrbrenda ende i ka plag\u00ebt e pash\u00ebruara dhe se ende jan\u00eb mbi 1800 trupa t\u00eb pagjetur dhe se nuk mund t\u00eb ket\u00eb pajtim pa u realizuar drejt\u00ebsia, p\u00ebr at\u00eb q\u00eb Serbia ka b\u00ebr\u00eb n\u00eb Kosov\u00eb.<\/p>\n

\u201cN\u00eb momentin kur Serbia, \u00ebsht\u00eb po sikur Serbia e Miloseviqit, e cila jo vet\u00ebm nuk e njeh Kosov\u00ebn, por aq m\u00eb tep\u00ebr as nuk ka k\u00ebrkuar falje dhe nuk ndjen\u00eb pendes\u00eb p\u00ebr at\u00eb q\u00eb ka b\u00ebr\u00eb. Madje figura t\u00eb ndryshme q\u00eb i ka atje edhe n\u00eb Qeveri Serbia, si puna e Dacicit, i cili tani po kandidon edhe p\u00ebr president t\u00eb Serbis\u00eb, me gjestet e tij po na tregon q\u00eb po t\u00eb ishte kthyer koha edhe nj\u00ebher\u00eb ai t\u00eb nj\u00ebjt\u00ebn do t\u00eb ia b\u00ebnte shqiptar\u00ebve, t\u00eb nj\u00ebjtat masakra dhe at\u00eb gjenocid. At\u00ebher\u00eb kjo tregon se nuk mund t\u00eb ket\u00eb pajtim. P\u00ebr pajtim Serbia duhet t\u00eb pendohet p\u00ebr at\u00eb q\u00eb ka b\u00ebr\u00eb n\u00eb Kosov\u00eb. T\u00eb gjith\u00eb kriminel\u00ebt e luft\u00ebs duhet t\u00eb d\u00ebnohen, viktimat t\u00eb zhd\u00ebmtohen, e pastaj ne mund t\u00eb flasim p\u00ebr pajtim. Pajtim sa p\u00ebr sy e faqe, nuk na duhet. Madje pajtimi sa p\u00ebr sy e faqe, vet\u00ebm t\u00eb themi se krijuam nj\u00eb institucion t\u00eb pajtimit, mund t\u00eb jet\u00eb i d\u00ebmsh\u00ebm bile, pa u realizuar drejt\u00ebsia\u201d, pohoi Konjufca. \/Telegrafi<\/a>\/<\/p>\n